3
3-sinf Chuqurroq tahlil

3-sinf uchun dars ishlanmalari

Matn hajmi: 150–250 so'z · 3 darajali savollar · Matn xaritasi

3-sinfda o'quvchilar matnni nafaqat o'qish, balki uni tahlil qilishni o'rganadi. Qahramon kimligini, nima qilganini va nima uchun bunday qilganini tushuntirish ko'nikmalari rivojlanadi. O'quvchilar asosiy g'oyani topish va muallif nima aytmoqchi bo'lganini tushunishga o'rgana boshlaydi.

Bu bosqichda badiiy va axborot matnlari muvozanatli qo'llaniladi. O'quvchilar matn xaritasini tuzish, KVL jadvalini to'ldirish va qahramon harakatlarini solishtirish kabi faol o'qish strategiyalarini o'rganadi.

Matn tanlash mezonlari

  • matn hajmi 150–250 so'z atrofida bo'lishi
  • matnda qahramon va aniq voqea bo'lishi
  • qahramon muammosi va yechimi ko'rsatilishi
  • asosiy g'oyani topish imkoniyati bo'lishi
  • 3 darajada savol tuzish mumkin bo'lishi
  • axborot matni uchun mavzu aniq va qiziqarli bo'lishi

Dars maqsadi

  • matndan aniq axborot va qahramon harakatini topish
  • asosiy g'oyani bir gapda ifodalash
  • qahramon muammosi va yechimini tushuntirish
  • matndan xulosa chiqarishni o'rganish
  • muallif nima aytmoqchi ekanini taxmin qilish
  • ijodiy topshiriqni mustaqil bajarish

Tavsiya etiladigan metodlar

"Matn detektivi" "Dalil top" "Savol zanjiri" "Qahramon kundaligi" "Sabab va natija" "Matn xaritasi" "Besh barmoq xulosasi" "PIRLS savoli konstruktori"ning boshlang'ich shakli

Darsda qo'llash tartibi

  1. 1 Sarlavhani o'qib, matn haqida taxmin qilinadi.
  2. 2 Yangi so'zlar lug'at ishi orqali tushuntiriladi.
  3. 3 Matn o'qituvchi tomonidan namunali o'qiladi.
  4. 4 O'quvchilar matnni navbat bilan o'qiydilar.
  5. 5 "Matn detektivi" metodi: o'quvchilar matndan aniq javob qidiradilar.
  6. 6 "Sabab va natija" jadvali to'ldiriladi.
  7. 7 Qahramon motivatsiyasi muhokama qilinadi.
  8. 8 "Besh barmoq xulosasi" orqali matnning asosiy g'oyasi aniqlanadi.
  9. 9 Uyga vazifa beriladi va ko'tarilgan savollar yakun qilinadi.

Namunaviy matn

~120 so'z

"Kichik ixtirochi"

Sardor eski qutilar, qog'ozlar va plastik qopqoqlardan kichik shamol tegirmoni yasadi. U buni maktabda o'qigan "energiya" haqidagi maqoladan ilhom oldi. Dastlab tegirmon aylanmadi. Sardor sabr bilan qanotlarni rostlab, yon tomonlarini tuzatdi. Nihoyat, tegirmon shabadada sekin-sekin aylanib ketdi. Otasi bu ishni ko'rib, juda xursand bo'ldi. "Aql bilan harakat qilsang, keraksiz narsadan ham foydali narsa yasash mumkin", dedi. Sardor esa endi yanada kattaroq ixtiro qilish haqida o'ylay boshladi.

Savollar

1-daraja: Aniq axborotni topish
  • 1 Sardor nimalardan tegirmon yasadi?
  • 2 Tegirmon dastlab nima uchun aylanmadi?
  • 3 Otasi bu ishni ko'rib qanday munosabat bildirdi?
2-daraja: Xulosa chiqarish
  • 1 Sardor qayerdan ilhom oldi va bu unga qanday yordam berdi?
  • 2 Sardor nimani muvaffaqiyatga erishgach his qildi, deb o'ylaysiz?
3-daraja: G'oya va ijodiy fikr
  • 1 Otasining gapi asosiy g'oyani ifodalaydi. Bu g'oya nima?

Uyga vazifa — "Men ham ixtirochiman"

  • Uyda keraksiz predmetlardan biror foydali narsa yasang.
  • Yashagan narsangizni rasm orqali tasvirlab keling.
  • Nima ishlatganingiz va qanday qilganingizni 3–5 gapda yozing.
  • Keyingi darsda o'z ixtiroyingiz haqida 1 daqiqa gapirib bering.

Kutiladigan natija

O'quvchi matnni o'qib, qahramon harakatini tushunadi, asosiy g'oyani topadi va ijodiy topshiriqni mustaqil bajaradi. Bo'lajak o'qituvchi esa 3-sinfda matn tahlilini qanday tashkil qilishni amaliy o'rganadi.

Yuklab olish uchun fayllar

6 ta fayl
2-sinf Barcha sinflar 4-sinf