Bir bor ekan, bir yo‘q ekan, keng dalada jajji chumoli yashar ekan. Uning ismi Ziyrakcha ekan. Ziyrakcha har kuni don tashib, uyasiga oziq yig‘ar ekan.
Bir kuni chigirtka uning yoniga kelib:
— Nega buncha ishlaysan? Kel, o‘ynaymiz! — debdi.
Ziyrakcha javob beribdi:
— Hozir yoz. Qishga tayyorlanish kerak.
Chigirtka kulibdi:
— Qish hali uzoq-ku!
Kunlar o‘tibdi. Sovuq qish kelibdi. Dalani qor bosibdi. Chigirtka ovqat topolmay, chumolining uyasi oldiga kelibdi.
— Ziyrakcha, menga yordam ber, juda och qoldim, — debdi u.
Chumoli unga don beribdi va shunday debdi:
— Yozda mehnat qilgan qishda qiynalmaydi.
Chigirtka uyalibdi. U endi mehnatkash bo‘lishga va’da beribdi.
Qissadan hissa shuki, vaqtida qilingan mehnat odamni qiyinchilikdan asraydi.
